Katalin Iturzaeta, Parker Gidaren arabera munduko txakolin onenetarikoa

Izenaren jatorria biramona Catalinaren (Katalin eta euskal grafia egokienean Kattalin) omenean datza. Bera izan zen bere izaera grinatsu(nahiz eta birika bat galdu baserriko malda ezinezkoak behin eta berriro igotzen zituen) eta ekintzailearekin, ingurune eta bere jabegoko ardogintza mahastien berpiztearen eragilea.

Hautazko txakoli hau Hondarrabi Zuri (Iparraldean Coubu Blanc izenaz ezaguna) eta mota bereko bertsio beltzaren nahasketatik dator, eta ohiz kanpoko blanc de noirs itxurako txakoli hau lortzen da Getaria Jatorrizko Deituraren bihotzean. Bigarren berezitasun bat zazpi hilabetez bere hondareei lotuta emandako zazpi hilabeteko ontzetik datorkio, modu horretan ohiko txakolinak zuen garratztasuna nabarmenki gutxituz.

Oreka da bere baliorik aipagarriena, alkohol maila baxu eta hondarepeko ontze prozesu ondo burutuak eskainitako garratztasun mugatuari esker. Sudurrera oso freskoa, eta zitriko zein sagar berdearen buketa eskaintzen du fruitu zuriaren kremotasunez igurtzia (hondareen ondorioz), itsas haizekirri eta belarren ikutu nabarmanarekin batera, samurtasun eta freskotasun sentsazioa emanez. Ahoan hondare ontzearen eta mahats beltzare eraginez ,fruitu gorriaren itxura labur baino indartsuarekin, ardo honek maila bakarra lortzen du, garratztasun eta alkoholaren arteko orekari esker bere nortasuna sakontzen duelarik, benetan izugarria den zerukolore puntu bat emanez (aran helduaren azal tankerakoa).